殺人魔MORE查

一個 Pizza Order，竟然演變成震驚全美嘅銀行炸彈搶劫案？🍕💥 2003 年，Pizza店職員 Brian 收到一個外賣電話，佢需要送貨去到一個廢棄嘅無線電發射站。幾十分鐘後，Brian頸上面多咗一個拆唔走嘅計時炸彈，仲行入銀行搶劫…. 因為 Brian 一開始神情輕鬆，警方一度以為炸彈係假嘅，直到炸彈發出急促嘅「Beep Beep」聲並且當場爆炸，佢哋先發現呢單案唔係表面睇咁簡單，有案中案，互相利用，牽扯人物眾多… 到底係邊個將身邊嘅人一步步操控成為殺人棋子？ 而 Brian 到底係被陷害嘅無辜外賣員，定係劫案嘅同謀？ 快啲收聽最新一集啦🥰

1947年嘅一個朝早，一對母女路過，以為見到假人，行近發現竟然係一個被切開一半、嘴角裂開嘅女性屍體！😰 報紙即刻幫死者改名做Black Dahlia，銷量爆升，之後唔止相關嘅小說、電影、game，連cocktail同T恤都出埋🫨 呢單案同一時間有高達七百幾個警察同埋FBI幫手調查，有幾百個人自首，但係都搵唔到真正嘅兇手🫆 依家坊間有唔少嫌疑人推論，甚至有人堅持自己阿爸就係兇手！🤯 究竟相隔79年，喺AI嘅幫助底下，呢單懸案有咩最新嘅進展呢？ 我都好好奇有咗科技嘅幫助，有生之年會唔會見到Black Dahlia被破案嘅一日呢💭

今日要同大家分享史上最大嘅藝術品盜竊案之一：Isabella Stewart Gardner Museum Heist！ 1990年3月18日凌晨，兩個男人著住 Boston警察制服，去到 Isabella Stewart Gardner Museum，話要調查附近嘅騷亂事件。電光火石之間，兩個保安被綁起，13件藝術品就此消失...嗰兩個「警察」到底係咩來頭？！ 失竊作品包括：🎨 Rembrandt《The Storm on the Sea of Galilee》🎨 Vermeer《The Concert》🎨 Manet《Chez Tortoni》 但最奇怪嘅係，賊人冇偷走最值錢嘅畫，反而精準咁揀走其中13件。36年過去，13件作品依然全部失蹤。博物館甚至一直保留住牆上嘅空畫框，唔係因為忘記咗補返，而係因為佢哋仲抱有希望，等緊嗰啲畫有一日可以返屋企，亦希望大家記住呢單失竊案。 究竟係一場臨時起意嘅藝術品劫案，定係一個策劃咗好耐嘅局？

[慎入] 今集全集都係重口味之選！🤢 臭名遠播嘅美國連環殺手Jeffrey Dahmer係一個外表斯文、睇落好正常嘅男人，但佢喺13年間一共殺害咗17個年輕男人💀 佢會引誘受害者返屋企，落藥迷暈、勒死，之後仲會同屍體發生性行為、分屍、煮嚟食🤢更加痴線嘅係，佢甚至用電鑽喺人頭骨打洞再注入酸液，想製造「聽話嘅 zombie slave」！ 由第一宗殺人到 Oxford Apartments 213 室變成人間煉獄，雪櫃藏頭骨、煮人肉、收藏骨架做「私人祭壇」…… 變態程度一啲都唔惹少🥶 Jeffrey Dahmer絕對係true crime史上嘅經典之一，are you ready? 💬👂🏻 P.S. 口誤：34:40 Raymond 👉🏻 Jeffrey

大學及飛機上相繼出現炸彈，高學歷人士相繼遇襲，一個纏繞美國人及FBI十幾年嘅惡夢...😰 佢曾經係數學天才，16歲入讀哈佛📖 後來係咩原因佢要選擇離群索居，獨自住喺森林小木屋之中？ 究竟係咩令一個天才學者，走上極端道路？ 佢對科技發展嘅預言，某程度上已經成真...😶‍🌫️ 當理想同現實碰撞，會令人做出咩極端嘅事？ 除咗童年同青少年嘅經歷，仲有咩major turning point令兇手完全拒絕社交？🥲 即刻收聽新一集啦！

有新一集聽喇！阿珍終於考曬試喇yay！！！ 🥳 今集講一單因為最近出咗documentary而受人熱議嘅案件🎥 美國一個表面完美嘅基督教家庭，背後竟然受嚴重產後精神病同扭曲嘅邪教影響🙀 2001年，前護士嘅媽媽Andrea等老公出門返工後，親手將自己五個小朋友 —— Noah、John、Paul、Luke 同年僅六個月大嘅 Mary —— 逐一帶入浴缸，一個一個淹死🤯 究竟Andrea諗緊咩？呢個「幸福」嘅家庭係點樣行到呢一步？💭 Enjoy! 🎙🎧

🧧恭喜發財🧧祝大家馬年大吉，身體健康，心想事成！🐴 趕得切同大家拜年真係太好喇🥳雖然新年流流聽呢啲case好似...😶‍🌫️ 今集我哋分享一單震驚全美國嘅兇殺及綁架案，警方喺揭發三單兇殺案嘅同時， 發現屋企兩個最細嘅小朋友下落不明....😰 年僅八歲嘅倖存者，係點樣喺殺自己屋企人喺魔鬼身邊生存7個星期？搵返佢嘅一刻， 全個美國都如釋重負，但係一堆問題就接踵而來... 1️⃣細仔Dylan去咗邊？ 2️⃣到底兇手同受害人一家有咩過節？ 3️⃣案底纍纍嘅兇手又點解可以一次又一次咁重獲自由？ 想知呢位細路女點樣喺地獄入面憑智慧脫困，即刻收聽今集內容啦！🎧

今集由阿珍（終於）同大家介紹一單發生喺2024年，哄動全美國嘅案件！ Carly Gregg係一個14歲嘅少女，望落似乖乖女、讀書叻到跳級，個個都讚佢係滿分學生🤓 點知喺平凡不過嘅某一日，媽媽發現咗「乖乖女」Carly嘅秘密，引發咗一場家庭慘劇🥶最後Carly唔單止槍殺咗自己嘅親生媽媽，仲喺殺完人之後叫同學嚟欣賞屍體、再企圖謀殺繼父🔫🩸 你覺得Carly犯案時係精神失常，定係好似控方咁講，處心積慮、罪有應得？💭 快嚟聽埋詳情，然後留言話俾我哋知你點睇啦！🫵🏻

Happy New Year!!!!!🥳🥳🥳 踏入2026年，今集會分享個關於一件行李，改變航空安全史嘅故事。1955 年，一架由紐約飛往西雅圖嘅飛機喺起飛冇幾耐後就喺空中爆炸解體，機上44 人無一生還😔 起初大家以為係機件故障，但殘骸中出現嘅氣味同碎片😶‍🌫️就將答案指向一個更可怕嘅可能——呢次係一個人為嘅災難.... 一個普通乘客嘅行李，點解會成為致命關鍵？點解 FBI 咁快可以鎖定調查方向？兇手嘅動機又係咩？🧐🧐 想知就要即刻聽聽新一集！即錄即剪，超易FIT唇！✨

因為prep唔切case，只好吹下水～ hope you guys enjoy!!!

✨✨✨Surprise!✨✨✨ 今集阿珍為大家帶嚟一單喺10年前發生嘅案件 — Jason Corbett兇殺案🏏🧱 呢單案絕對係近期true crime熱話，因為兇手喺上年6月被假釋，Netflix更加係今年5月推出咗紀錄片 🎥（珍睇咗，係幾好睇的） 凌晨3點，911接線生收到電話，電話裡頭嘅外父Thomas聲稱啱啱目擊自己個女Molly俾女婿Jason箍頸，急起上嚟為咗要保護囡囡+自衛，就用棒球棍打到Jason倒地不起🩸😱 隨住調查，警察慢慢發現呢單看似自衛殺人罪嘅案，似乎冇佢哋想像中咁簡單🤯 案中嘅一個個疑點：聽落唔似有做嘅CPR、令人懷疑嘅冰凍屍體、有被收拾過嘅凶案現場、冇任何實質證據嘅家暴、Molly以前講過嘅誇張謊話、一對仔女嘅監護權，仲有露骨嘅search history…… 究竟呢單案係自衞殺人定係蓄意謀殺？ 聽完今集之後再留言話俾我哋知你點睇啦👇🏼💭 P.S. 可能因為我太耐冇用個mic🎙️佢今集罷工了😭所以今集我用咗好多工夫去整靚啲聲，整完之後唔知點解有啲尾音都消失埋，好似好多懶音好奇怪咁🧎🏻‍♀️‍➡️耳仔靈敏嘅聽眾可能今集要受苦了🙏😂

發現最近幾集嘅IG post第一句都係講好耐冇見… 今次真係超耐冇見！ 今集嘅主角由細到大都非常渴望得到人哋嘅關注，細個嘅時候會講大話，當佢變咗人哋媽媽嘅時候，情況竟然去到一發不可收拾嘅地步…. 為咗博取眼球，得到人哋嘅同情，佢不惜犧牲自己個仔😢只係得五歲人仔嘅Garnett喺人生短短五年就接受咗好多不必要嘅治療同埋手術，最後仲死喺自己媽媽手下💔💔 接受訪問嘅Lacey一臉無辜，聲稱自己最痛錫就係個仔，到底係佢演技太好，定還是Garnett嘅死真係一場醫療失誤？ P.S. 太耐冇edit生疏哂，BGM有少少細聲添...

Long time no see!!!! (Again) 一單連環殺人案，點樣同一單「叛逆少女離家出走」案相連？ 今日嘅案件發生喺1980年代嘅美國，警方雖然知道有個連環殺人犯頻繁作案🩸但係佢哋手上只係得一條纖維可以Link埋咁多單case，條纖維亦冇辦法指向任何嫌疑人，距離捉到兇手只係差一步🥲 雖然兇手喺案發現場留低大量證據，但係因為科技問題，偵查進度一直緩慢🫠最後竟然係靠一個17歲嘅少女幫手，先至成功破到案🕵️？到底呢個少女係乜嘢來頭？

我哋返嚟喇！！！好耐冇見！ （最近我哋由週更變成月更podcast😂很抱歉） 你哋成日話想聽香港case，今集就借啲椅同你哋講一單有香港人份嘅美國case！ 來自香港、家底唔錯嘅吳志達，同喺世界另一邊嘅Leonard Lake原本大纜都扯唔埋🤥竟然因為有住相同嗜好，靠住一本雜誌認識咗對方，之後仲一拍即合🙌🏻 佢哋兩個一齊合力完成Project Miranda，夾手夾腳起咗一間恐怖木屋同地下堡壘 🏡用嚟囚禁、性侵、虐待甚至殺害佢哋嘅受害者😖 呢集最後仲會講到精神科醫生係點樣分析佢哋兩個嘅人格💬究竟有咩特質會令佢哋兩個成為對方嘅partner in crime呢？😳 一齊聽吓啦！🎧🎙️

佢日頭係烘焙師，夜晚係獵人，除咗獵殺動物，仲要獵埋人…？ 佢看似人畜無害，戴眼鏡斯斯文文，但係原來佢就係靠住呢啲外在條件呃受害人落搭😭屋企人同朋友都俾佢風光嘅外表呃咗，以為佢係一個成功人士，但係內在嘅佢係極度黑暗😮‍💨 到底佢童年受過乜嘢創傷，令到佢咁討厭女性，對女性嘅睇法咁兩極？明明佢嘅潛在受害者有三十幾個，點解最後定罪嘅只係得幾宗？😫 快啲嚟聽吓今日嘅超長案件👂

知道今次要你哋等咗好耐🙂‍↕️喺度補祝大家聖誕快樂！🎄🎅🏻 今集要同大家分享一個人生勝利組🏆然後如何親手玩爛一手好牌，成為殺人兇手嘅故事🩸🔫 Philip本身學業愛情兩得意，同未婚妻Megan兩個都係未來醫生，有住大好前途🌅但偏偏Philip就有不可告人嘅癖好同埋壞習慣㊙️ 最後Philip仲要選擇逃避責任，喺監獄自殺。。。真係一手摧毁所有😩 想知就快啲聽吓新一集啦🎙️

芝加哥短短幾日有七個人離奇身亡，佢哋全部都冇長期病患，身體健康，有12歲嘅小朋友去到30幾歲嘅青年人都有…🥶 點都估唔到咁多單案件嘅共通點係一樽止痛藥😱 家家戶戶都有嘅止痛藥💊竟然係殺人於無形嘅武器？兇手點解要無差別咁殺害無辜嘅人，而佢又係用咩準則去揀受害者？佢到底係點樣喺止痛藥入面加料，令佢哋變成致命毒藥？ 兩個主要嫌疑人又係乜嘢來頭，有人更加牽涉另外一單命案？最後點解警方都冇起訴佢哋兩個呢？因為有案中案嘅關係，想知呢一單案嘅詳情，記得落足心機聽！🎧 24:04 口誤，應為 “Raymond” 三十多年好友🙌🏻

［慎入］ 今集睇個title就估到係重口味之選🤢 人稱Plainfield屠夫嘅主角Edward Gein，自細就被身為宗教狂熱分子嘅媽媽洗腦🧠同埋被困喺農場入面與世隔絕❌ Edward從來都未試過有朋友，變到極度依戀自己嘅媽媽，之後媽媽嘅離世更加令Edward嘅世界唔同曬😵‍💫 案發後警察喺Edward屋企揾到大量人體殘骸，仲有Edward用唔同器官整成嘅傢俬同埋日常用品🤢🤢🤢成間屋就好似人體奧秘展咁🤮 Edward係點樣揾到咁多人體殘骸？究竟佢最後會唔會因為精神障礙而被判無罪呢？ 啲聽吓新一集，再話俾我哋知你點睇啦💬

大多數護士入行都係因為有一顆想救人嘅心，但係今日嘅主角就借呢一個職業之便，殺害咗好多無辜嘅病人…. 由細到大都特別不幸嘅佢，經歷完喪父喪母，仲要經歷俾同學，同事欺凌，由懂事開始佢已經覺得自己嘅生命冇意義，自己唔應該出世… 一個反社會人格嘅護士係極度可怕，佢美其名就話幫病人結束痛苦嘅一生，但係其實佢手下嘅受害者有唔少都係喺康復嘅路上，但係就慘遭殺害.. 佢係點樣可以無聲無息咁樣殺死病人？點解做咗護士10幾年，做過八間醫院，殺咗咁多個人都冇人發現？🥶🥶🥶

大家千祈唔好誤會！今集嘅主角Midsi，並唔係殺人兇手，而係一位年僅八歲、聰明又勇敢嘅倖存者👧🏻 當時加洲嘅小朋友接二連三咁失蹤，警察都毫無頭緒🫨 主角Midsi喺自己生日當日，滿心歡喜咁趕返屋企開生日party，點知就喺返屋企途中就遇襲兼失蹤！😰 堅強嘅Midsi最後係點樣走出困局？倖存者嘅後續又係點㗎呢？🤔想知就快啲收聽新一集啦💬

社會邊緣人士入住boaring home之後離奇失蹤，佢哋好多都冇屋企人冇朋友，靠住政府畀嘅社會福利金生活…係咩原因令佢哋畀連環殺人犯盯上？正因為佢哋背景問題，就算無故失蹤，都好難追查，或者引起人注意😟 點解兇手有多個案底，但係仍然可以經營Boarding Home？佢又係點樣建立形象，呃晒身邊所有嘅人？表面睇落係一個慈祥溫柔嘅老人家，但係原來係一個殺人唔眨眼嘅連環殺人犯….🥶🥶 最後揭發兇手惡行嘅唔係屋企人或者朋友，而係一個盡責嘅社工！🥹明明警方已經係兇手屋企搵到關鍵證據，佢又係點樣喺警方眼前逃走？快啲收聽今集案件，了解下呢個詭計多端嘅婆婆啦！

AAAAAABBBBBABABABABBBABBAB (long time no c😚) 今次同大家分享首個美國連環女殺人犯 — Aileen Wuornos嘅故事！ 佢有齊悲慘嘅童年、受虐嘅經歷、為世所迫嘅生涯，仲有當年仲係禁忌嘅愛情🫨最後仲一步一步變成一個專殺男人嘅女殺人犯 你哋聽完呢集之後覺得Aileen係因為咩所以殺人呢？為咗錢💵？為咗愛情（供養情人）👩🏼‍❤️‍👩🏽？定係想向男人報仇呢🔫? 喺下面留言話俾我哋知啦💬 P.S. 最後睇返資料， 44歲嘅基督徒Arlene喺1991年11月合法收養咗Aileen， Aileen當時都係35歲左右。。。我都唔知呢個係咩玩法🤷🏻‍♀️😂

今次為大家帶嚟嘅就係人稱The night stalker，又名撒旦嘅門徒嘅五角星殺手Richard Ramirez👿 佢專揀夜晚作案，會偷偷地潛入受害人嘅屋企，又會喺案發現場留低特別嘅記號，對待男女受害者都會有唔同嘅處理方法…. 有時佢會完全不留活口，但係有時又會放走受害人，受害人會唔會死，完全係睇佢心情。點解佢嘅外貌特徵咁易認，都會咁遲先拉到人？ 最離譜嘅就係一眾市民嘅反應，竟然有人因為佢犯嘅事而愛上佢，瘋狂寫信求愛，最後Richard竟然真係同咗一個仰慕者結婚🤯真係諗唔明啲人咩心態…🤬

今集講一個經典美國連環殺人犯 — BTK殺手！🪢🔪😵 Dennis自稱自己做BTK，即係bind, torture and kill （捆綁、虐待、殺害） 🫣 佢由細細個開始已經有啲異於常人嘅性幻想同性癖🤯捆綁、窒息、虐待、殘害小動物、偷窺、易服癖。。。仲曾經對自己阿媽覺得無助嘅樣感到性興奮🤢🤮 佢大個咗之後生活慢慢步入正軌，結婚生仔進修升職加人工，但係私底下就係一個變態殺手🩸佢之後仲周圍寄明信片同包裹俾媒體！真係囂張得可怕🥶 想知佢究竟係點樣被捕，就快啲聽最新一集啦🎧

終於打大佬，嚟到美國系列🇺🇸打頭陣為大家帶嚟Killer Clown🤡今集真係幾長，有諗過分開兩集，但係又唔想吊大家癮😂 今集主角係1970年代被稱為美國最WORST嘅連環殺人犯，日頭嘅佢係一個成功商人，係一個熱心公益嘅小丑，一到夜晚就變身連環殺人犯，佢用六年殺害咗33個年輕男仔，仲將大部份埋咗喺自己屋企地下..🥶 點解一直有人失蹤，但係警方都一次又一次咁放走有案底嘅John..? 身型肥胖嘅佢又係用咩方法可以殺害咁多人，甚至包括海軍陸戰隊嘅成員？😱 又係咩原因，佢要Target一班年輕男仔呢？係咩令到佢咁討厭後生仔？ 敬請細心聆聽新一集🎧

好耐無同大家傾偈！今集一於同大家傾足一粒鐘！👯‍♀️​​🗣️​💬​ （本集內容已經得到珍姐男朋友審批同意播出） （No human feeling was harmed in the making of this episode）😂​ 特別鳴謝今集嘅sponsor： HKU SPACE 大家如果對佢嘅Certificate of Legal Studies有興趣嘅話，就去佢哋website睇吓啦！ https://hkuspace.hku.hk/cht/collection/applycls

日本女大學生獨遊台灣後失蹤，警方查來查去都鎖定唔到嫌疑人，搵唔到受害人遺骸，令台灣旅遊業大受打擊…😔 受害人家屬前前後後去咗台灣幾次，都一直冇好消息，警方除咗搵唔到有用嘅線索，仲差啲冤枉好人，令一個無辜嘅平民被台灣日本兩地嘅傳媒追擊🥲 好不容易搵到真兇，佢嘅口供不停帶警方遊花園，令警方浪費咗好多人力物力，先可以還原作案過程，但是兇手口中嘅動機，極度匪夷所思😶‍🌫️ 到底佢係真傻？定係扮懵？佢真實嘅犯案動機又係咩呢？聽完新一集同我哋討論吓啦！

本身阿珍講呢單案，係諗住俾台灣警察威返一次，點知事情唔係我想像咁發展😳台灣警察引以為傲嘅一單cybercrime，最後都係俾崔姐笑到面黃！😂😂😂 今集就係講台灣ATM離奇嘔錢劫款案🏧 國際犯罪集團Cobalt遠飛台灣，喺第一銀行（簡稱一銀）嘅ATM度偷走大約8,327萬台幣💸😨 台灣警察同劫匪從此就陷入一個貓捉老鼠嘅遊戲💨 點知最後三個劫匪都係敗喺台灣嘅美食之下！睇嚟我都係時候飛返轉台灣了！（？？） P.S. 我哋最聰明嘅崔姐今集錄音唔記得教input，插咗個咪，但最後用咗macbook嚟收音🤡所以把聲怪怪地，請見諒🫱🏻‍🫲🏽

今集要同大家分享一個極度嘔心嘅邪教，除咗係《周處除三害》尊者嘅角色原型之外，佢仲被稱為台版攝理教，集齊咗唔少邪教會出現嘅元素… 其貌不揚嘅教主到底點解可以建立一個咁龐大嘅邪教王國，除咗有成千上萬嘅信徒，仲有超級嘔心嘅「仙女班」，信徒會想將自己嘅女女送入去仙女班，被洗腦嘅程度完全冇辦法想像… 除咗騙財騙色，佢都搞唔少花臣，又要出唱片，又要創立政黨，完全係時間管理大師。由1980年代開始去到2020年先正式被揭發，點解徐少龍可以咁多年都唔俾人發現，最後又因為咩事而令邪教成功被瓦解呢？ 快啲嚟聽吓呢一集啦💕

我哋返嚟喇！🎊🥳 好耐冇見！sorry知大家等咗我哋好耐🙏 今集係我哋強勢回歸後嘅第一次嘅錄音，就講一單聽眾提案啦😝（多謝提案！） 高雄曾經發生過一單離奇命案，個女突然間喺屋企過身😰佢嘅屋企人事後失咗蹤幾日不突止，仲話佢哋全家都被鬼上身，呢一個月以來淨係食屎+飲符水🤯🤯🤯 呢單案之後仲被改拍成電影《咒》，票房破億！ 我就覺得呢單案最離奇嘅，係竟然冇人需要為受害者嘅死而負責。。。簡直係難以置信。。。🫠

一個失蹤男子七年來不停報夢畀同一個女人，到底佢哋係咩關係？🥶 呢個女人最終承受唔住心理壓力，令一宗七年前嘅案件得以被揭發！ 羊腩煲店老闆點解要謀害自己嘅熟客，去到最後仲想殺埋自己女朋友？案件調查難關重重，受害人身份未明，唔完整嘅證據鏈，缺失咗關鍵線索，係咩令到警方可以一個又一個謎團咁解開，最後令到兇手成功入罪？ 快啲聽吓新一集啦！為咗補償遲咗咁多出，特登將一啲蝦碌片段留番低🤣

今集講台灣邪教 —— 「日月明功」女教主陳巧明虐死高中生事件！ 一個18歲、有大好前途嘅後生仔被送往急症室，喺到院前已經冇生命跡象，身上更加係傷痕纍纍😞😞 媽媽話仔仔吸毒過量致死，家姐就堅持細佬係被「日月明功」害死嘅！ 信徒會尊稱教主做Sunshine、望住女教主陳巧明當眾掌摑、圍毆人、暴力恐嚇其他信徒……😰一個舞蹈教室係點樣一步步變成邪教組織？ 想知就快啲聽吓新一集啦🎙️💬

第102集又係保險？！唔好走住！今次唔係講呃保險，而係保險從業員連環失蹤案🥶🥶 1991年，2003年都相繼有女仔喺同一間車房附近失蹤，都係去搵車房老闆傾保險之後唔見咗... 1991年嗰單不了了之，成為懸案😭2003年呢一單有冇機會破案？每個人都知車房老闆嫌疑極重，奈何又搵唔到屍體，兇器.... 因為頭號嫌疑人好呆，十問九唔應，令到調查進度好慢。輾轉咁搵到屍體，但又發現只係得骨，遺體嘅肉已被削走？！唔見咗肉塊，探員終於發現眼前呢個陳金火係一個食人魔… 🥶 到底佢講嘅嘢有幾多係真？有幾多係為咗混淆視線？快啲聽吓呢一集啦！ 記得聽到最尾，有特別嘉賓🐱

今集嘅案件係台灣五福旅社五死命案💀🏨 妓女發現屍體後報案，警察到場之後發現案情並唔係咁簡單！🤯 五位死者都有唔同嘅身份背景，包括旅社老闆夫婦、旅社住客、旅社職員、同埋一位妓女😳 案發當晚旅社入面仲有其他住客，但係佢哋竟然可以一啲事都冇😨仲要根本唔知發生咗命案！ 究竟發生咗咩事？犯案動機又係咩？快啲趁熱聽🎙️💬

1️⃣0️⃣0️⃣✅ 100集嘅案件為大家帶來台灣民眾一個集體傷口....小燈泡事件💡🥺 思覺失調患者王景玉當街用剁骨刀砍殺女童小燈泡，令佢身首異處。案情雖然唔複雜，但後續發生嘅事令唔少人重新思考台灣對受害者同精神病患者嘅支援... 😢😢 當日朝早發生咗唔少巧合，好似係冥冥之中注定佢哋一家人要面對呢件事。王景玉點解會一步步變成嚴重患者？佢嘅屋企，佢嘅人生又係點嘅呢？ 令珍姐最嬲嘅竟然唔係兇手，而係...??? 案件中有唔少關於台灣司法值得討論嘅問題，希望唔會悶親大家〜 P.S. 錄到中間電腦太熱有啲wewe聲，請見諒🥹🙏🏻 P.S. 8:44 講錯咗「陳婉諭」，應該係「王婉諭」 最後，多謝大家兩年多嘅支持🫶🏻冇你哋，絕對唔會有100集😂❤️

今集講一單有如電影一般嘅重大案件 — 白曉燕綁架案！ 呢單案曾經轟動台灣，無人不知，轉眼間原來已經發生咗接近27年😔 當年97年，著名女藝人白冰冰嘅女兒喺返學途中被人綁架，生死未卜😖全台灣都陷入恐慌之際，逃亡中嘅綁匪竟然同警察喺人來人往嘅大街駁火！🔫💥 最誇張嘅係，新聞媒體多次直播槍戰現場同埋挾持人質事件🫨呢單案件更加引發大遊行！ 想知究竟當中發生咗咩事，就快啲㩒入去聽吓啦🎙️💬

今集分享台灣「驚世媳婦」嘅案件！佢係台灣唯一未被執行死刑嘅女死囚，亦係台灣有史以來第四位女死囚… 算命結果話佢最親嘅人都會全部死亡，最後竟然真係應驗咗，到底係佢剋住身邊嘅人，定係屋企人嘅死都同佢有關？ 個樣睇落斯斯文文，但係背後卻係一個機關算盡嘅人？🥶🥶 到底係咩原因，佢會咁等錢使，選擇犧牲身邊最親嘅人，到底呢個冷酷無情嘅人經歷過啲乜嘢，變成一個咁冷血嘅人？ P.S. 今集唔覺意chitchat 咗2分鐘先至開始入正題😂 我同珍姐太耐冇見，請見諒！

今集講一單曾經震驚台灣社會嘅案件 — 黃佩芬命案 ft. 一開頭嘅小學回憶殺🤣 爸爸8年前車禍過身，妹妹1年前喺人來人往嘅西門町花店前失蹤，哥哥再患上末期癌症。。。 哥哥喺迫於無奈底下登報尋妹🥲究竟台灣司法可唔可以俾到黃家一個交代？ 睇完呢單案之後，係無奈之餘，夾雜啲嬲+傷心🫠原來以為一早已經捉到兇手，但臨門一腳又俾佢走甩！！！ 希望黃媽媽能夠繼續好好生活落去

今日同大家分享一單無屍定罪嘅案件！ 靚女補習老師無故失蹤，屋企人同男朋友上門搵人，發現洗手間佈局詭異。。。 喺棗紅色洗手間，鑑證人員竟然搵到多過100處血跡反應🥶🥶 警方雖然好清楚邊一個係兇手，但係因為搵唔到屍體，疑犯又已經出境，一到令案件陷入膠着☹️ 最後係點樣透過科學鑑證同埋環境推論成個案發過程？即刻聽吓呢單案件啦🫶🏻

今次為大家帶嚟台灣有記錄以嚟，第一單化學溶屍案！🧪☠️ 呢單案粗暴得嚟又簡單直接🔍 由一男兩女組成嘅三角關係，一步一步變成學校欺凌同暴力對待，最後演變成校園殺人事件🤯 今集案件比較短，最後會有我哋嘅chitchat💬😂多謝收聽

今日講一單看似係密室殺人，好似好懸疑，但實際上係一個世紀大賤+大廢男，令人勁嬲嘅故事🤬 兇手將環境精心佈置，輕鬆呃咗當時只想扮工嘅警方，係咩原因令成班汐止警員無視法醫報告，exclude他殺可能？ 又係點解佢哋會「咁醒」，第一時間排除死者老公？ 好彩案發後兩年後有正直二人組，佢哋唔肯放棄，只想畀個交代死者家人，最後案件經歷咗十年先正式畫上句號。除咗因為搜證好難，仲因為嫌疑人一直身在外地，令警方無能為力。。。。 到底佢哋點樣逐個逐個難題解決？點樣抽絲剝繭搵到真兇？真兇又係唔係得一個？ 請即收聽！👂🏻👂🏻

今次要同大家分享一單台灣好好好好好出名嘅倫常慘劇 — 花蓮五子命案🥶 五個小朋友喺屋企嘅廁所慘死，死狀恐怖，屍體一具疊一具…… 究竟一直唔現身嘅父母去咗邊？ 呢單案嘅「真相」喺案發後9年先被揭曉，你又覺得會唔會另一個可能……？😵‍💫​ 想講prep呢單案嘅時候真係搞到我勁心寒，所以如果大家邊聽邊睇相，向左碌嘅時候要有心理準備🙏​

2023年嘅尾聲，為大家帶來台灣系列第三集！ 台北一個月內發生咗3單強姦殺人案，三個受害人被人由車扔出，棄屍喺大街😖兇手看似target咗特定嘅女性，令當時個個都隨身攜帶防狼噴霧，學定防狼術😨😨 當年冇乜CCTV，科技又冇咁發達，警方費盡心思都冇乜進展，最後係靠咩搵到兇手？ 因為案件鬧得沸沸揚揚，兇手被捕後被速審速決，都冇深入研究佢嘅背景，同埋心理狀況☹️如果唔係發生係1988年，相信一定會有更加多關於環境同埋心理嘅描寫🤔

今集阿珍為大家帶嚟一單震驚台灣嘅無差別殺人事件 — 台北捷運隨機殺人事件⚠️ 呢單案絕對係無人不知，相信當年嘅香港人都緊貼事態發展！👀 兇手鄭捷喺短短3分幾鐘嘅車程同埋落車後嘅半分鐘內，用短刀無差別咁連續襲擊陌生嘅乘客，最後造成4死24傷😔 鄭捷嘅成魔之路係點？除咗案發過程之外，事前同事後究竟發生咗咩事？😵‍💫 快啲趁熱聽吓啦☝🏼 P.S. 最後有阿珍開心share喺地鐵遇到醉酒佬嘅事😂嗰part完全係一刀不剪㗎！小心爆咪！

轉眼間我哋去到第七季，踏足台灣了！ 打響頭炮為大家帶來一單呃保險連環殺人案🥶🥶每次佢等錢洗，佢嘅屋企人就會意外身亡… 戲子殺人犯殺咗五個親人，親生仔都照落手，仲可以哭腔話自己好委屈！？ 被警方盯上仍然作案，將魔爪伸向朋友😨同佢有聯繫嘅人都會離奇失蹤… 點解咁多單佢都暪得過，呃咗幾千萬保險金，但去到2003年就畀人捉到？到底佢咩事要咁多錢呢？ 即刻聽下最新一集🫶🏻

登登登凳！ 今集係史上第一集不限題材不限地區嘅聽眾提案！佢將會存在於澳洲系列同下個系列嘅中間👀 搞呢次提案嘅時候，我哋收到接近80個唔同嘅提案，喺呢度再次多謝各位嘅參與💛love u guys🙌​ 今集係一單「一反常態」、估佢唔到嘅案件🤯 ’It’s always the husband.’ 當全世界都以為兇手就係個老公，真兇仲會唔會得到佢應得嘅懲罰？ 因為ig相片有限🙏po唔到最後嗰位受害者俾大家睇🙏 另外後半集唔知點解回音比較大，將就吓啦😚

來到真。澳洲系列最後一集！今集嘅離譜程度係令我同珍姐都唔敢相信佢係一單澳洲case🥲 14歲Leigh Leigh出門去同學嘅生日party，但冇按時番屋企… 手提電話又未普久，屋企人擔心但冇計可施☹️ 失去聯絡嘅Leigh Leigh 第二日喺沙灘被發現，可惜佢已經失去生命體徵… 而且佢嘅身體有多處受傷，衫褲都被除咗，仲受過暴力對待🥺 到底係咩人要對一個小妹妹狠下毒手，重手地攻擊佢之除仲要性侵佢。明明兇手留底好多證據，點解單案仲有咁多疑點？點解惹起公憤？點解拖咗三個月先起訴嫌疑人？ 想一齊嬲就快啲收聽啦！🔥 PS: 46:15應該係Kerry唔係Leigh Leigh🙏🏻

今集因為技術問題遲咗出，不過幾經辛苦終於搞返掂🥳 今集嘅主角係人稱澳洲黑寡婦嘅Patricia Byers👿 凌晨3點鐘，有一架私家遊艇喺摩頓灣海域發出咗幾次求救訊號，救援人員上船之後，發現一男一女頭部受傷……中間究竟發生咗咩事？ 遊艇事件有定案之後，犯人仲被揭發有謀殺前夫嘅嫌疑！🥶 當中嘅案情都相當曲折離奇，想知中間發生過咩事就快啲聽新一集啦！🎙️ P.S. sorry今集有啲位係補錄嘅，所以聽落會有啲突兀，已經盡力補救了唔好意思🫡

話咁快嚟到澳洲系列嘅尾二嘅一集了！懷孕嘅Anna同20個月大嘅女女離奇失蹤，但冇幾耐之後朋友同屋企人都紛紛收到嚟自「Anna」嘅訊息？ Anna老公看似係悲劇主角，仲喺鏡頭面前情深款款，表現得十分傷心，點知佢只係一個戲子！自編自導自演，極殘忍咁殺害咗最親嘅身邊人… 仲精密咁諗過棄屍地點🥶 點解佢要咁做？到底發生咩事令佢對住個女都落到手😢 小妹妹短暫嘅生命都過得不容易☹️ 想知呢家人發生咩事，即刻聽聽啦！

今集又係一單喺澳洲超級出名嘅華人案件 — 林家血案🩸🔨 受害者一家先後移民到澳洲展開新生活，家庭生活美滿又充實🏡 但就喺一次平常嘅家庭聚會後，大哥林暋一家被人無聲無色咁殺害，全家只係剩低長女林珺一個！😱 倖存嘅長女竟然仲俾兇手收養咗？！ 案件喺多年後更被爆出更多內情，竟然係案中案？？！ 究竟係咩案情會令崔姐聽到想嘔？🤢 立即收聽啦👉🏻